اورنج ٹرین پر سول، مکینیکل اور الیکٹریکل کا کام مکمل، سرٹیفکیٹ جاری

میٹرو اورنج ٹرین منصوبے کا عوام کے لئے باقاعدہ طور پر آغاز 26 اکتوبر کو ہو گا جبکہ 25 اکتوبر کو وزیراعلیٰ پنجاب اس کا افتتاح کریں گے۔ اورنج ٹرین پر سول، مکینیکل اور الیکٹریکل کا کام مکمل ہو گیا۔ ایل ڈی اے نے اورنج ٹرین انتظامیہ کو تکمیل کا سرٹیفکیٹ جاری کر دیا۔ ٹرین کے سٹیشنز، ایڈگریڈ ورک کی تکمیل کا بھی سرٹیفکیٹ جاری کر دیا گیا ہے۔ آئندہ 3 سال تک اورنج ٹرین کے ٹریک کی مرمت کی ذمہ داری ایل ڈی اے کو سونپ دی گئی ہے۔ دوسری جانب اورنج لائن میٹرو ٹرین کو سولر پر چلانے کا فیصلہ کر لیا گیا ہے۔ صوبائی وزیر ٹرانسپورٹ جہانزیب خان کھچی کہتے ہیں اورنج لائن میٹرو ٹرین کو سولر پر چلانے کیلئے ذمہ داریاں چائینز کمپنی کو دی جائیں گی۔ وزیر ٹرانسپورٹ کے مطابق 6 ماہ میں اورنج لائن میٹرو ٹرین کے بجلی کے اخراجات کا جائزہ لیا جائے گا۔ جہانزیب خان کچھی نے امکان ظاہر کیا کہ اورنج لائن میٹرو ٹرین کے بجلی کے سالانہ اخراجات دو ارب روپے ہوں گے۔ اورنج لائن میٹرو ٹرین سولر پر چلانے سے بجلی کی بچت کے ساتھ اخراجات میں بھی کمی آئے گی۔ وزیر ٹرانسپورٹ کا کہنا ہے کہ ہمارا کام عوام کو بہتر سے بہتر سفری سہولیات مہیا کرنا ہے