بدھ , 19 مئی 2021ء
(175) لوگوں نے پڑھا
لاہور کے علاقہ ڈیفینس سی میں پولیس نے کمیونٹی پولیسنگ کا بہترین مظاہرہ کرتے ہوئے سڑک سے ملا پیسوں سے بھرا ہوا پرس مالک کو تلاش اسے واپس کردیا۔ پولیس اہلکاروں نے بتایا کہ انھیں علاقے میں اپنی ڈیوٹی دیتے ہوئے پٹرولنگ کے دوران یہ پرس ملا جس پر اس کے مالک کو کال کرکے بلایا گیا اور پرس اسکے حوالے کردیا گیا۔ اس موقع پر شہری کا کہنا تھا کہ پولیس نے مجھے کال کی، جب میں اہلکاروں کے پاس پہنچا تو میرا پرس مجھے واپس کردیا گیا۔ پرس میں 30 ہزار روپے نقد رقم، 5 اے ٹی ایم کارڈ، شناختی کارڈ اور دیگر ضروری کاغذات موجود تھےجو کہ پولیس کی جانب سے واپس کئیے جانے پر میں پولیس اہلکاروں کا مشکور ہوں۔