بدھ , 09 ستمبر 2020ء
(187) لوگوں نے پڑھا
وزیراعلیٰ پنجاب سردار عثمان بزدار کی زیر صدارت پنجاب اسمبلی کے کمیٹی روم میں اعلیٰ سطح کا اجلاس ہوا جس میں صوبے میں سیمنٹ فیکٹریز لگانے کے پراسیس کو آسان بنانے کے امور کاجائزہ لیا گیا۔ وزیراعلیٰ عثمان بزدارنے سیمنٹ فیکٹریز لگانے کیلئے پراسیس کو آسان بنانے کی ہدایت کردی۔ فیکٹریز لگانے کے لئے پیچیدہ اور طویل عمل کو آسان بنایاجائے گا۔ سرمایہ کاری سے روزگار کے نئے مواقع پیدا ہوں گے۔ سیمنٹ فیکٹری لگانے کے لئے این او سی کے اجراء کو ٹائم لائن کے ساتھ منسلک کیا جائے گا۔ وزیراعلیٰ عثمان بزدار نے پراسیس کو سہل بنانے کے لئے سپروائزری کمیٹی تشکیل دینے کی بھی ہدایت کی۔ کمیٹی پراسیس کو آسان بنانے اور این او سی کے اجراء کے حوالے سے سفارشات پیش کرے گی- محکمہ صنعت نے اس ضمن میں پورٹل بھی تیار کر لیا- اجلاس میں وزیر اعلی کو بتایا گیا کہ پنجاب حکومت کو نئی سیمنٹ پلانٹ لگانے کیلئے 23 درخواستیں موصول ہوئی ہیں۔
