پیر , 07 جون 2021ء
(414) لوگوں نے پڑھا
لاہور کی مصروف شاہراہ فیروز پور روڈ پر شگاف پڑ گیا۔
تفصیلات کے مطابق گلاب دیوی ہسپتال کے سامنے مرکزی شاہراہ کی درمیانی لین میں ابتداء میں چھوٹا سا گڑھا پڑا جوکہ بعد میں 10 فٹ گہرا ہوگیا۔ جس کے باعث مرکزی شاہراہ پر ٹریفک کی روانی شدید متاثر ہو رہی ہے۔ ٹریفک پولیس کی جانب سے واسا کو کال کرکے صورت حال سے آگاہ کیا اور کہا کہ اس مسئلے کو جلد از جلد حل کیا جائے تاکہ ٹریفک کی روانی متاثر نہ ہو۔ جس پر واسا انتظامیہ نے حفاظتی ٹیپ لگا کر سڑک کو بند کر دیا ہے۔ واسا انتظامیہ کے مطابق زیر زمین چلنے والی سیوریج لائن کا کراؤن فیل ہونے کے سبب شگاف پڑا جس کو جلدازجلد بھر دیا جائے گا۔