لاہور میں پروفیشنل باکسنگ لیگ آئندہ ماہ ہوگی

باکسر عامر خان لا رہے ہیں پروفیشنل باکسنگ کا دوسرا میگا ایونٹ اب لاہور میں اور باکسنگ کا رنگ کھیل کے میدان میں نہیں گورنر ہاؤس میں سجے گا۔ باکسر عامر خان کہتے ہیں 19 دسمبر کو لاہور میں ہونے والا ایونٹ تاریخی ہو گا۔ پاکستانی نژاد برطانوی باکسر عامر خان باکسنگ کے فروغ کے لیے کوشاں ہیں۔ اسلام آباد کے بعد اب پروفیشنل باکسنگ کا میگا ایونٹ لاہور میں منعقد کرانے کا پلان ہے۔ 19 دسمبر کو مڈل ایسٹ ٹائٹل فائٹ کا ایونٹ گورنر ہاؤس لاہور میں سجے گا۔ باکسنگ کے میگا ایونٹ کے لیے تمام انتظامات مکمل کر لئے گئے۔ باکسر عامر خان نے باکسر محمد وسیم کو ٹریننگ کے لیے برطانیہ بلا لیا۔عالمی شہرت یافتہ باکسر عامر خان کا کہنا ہے کہ گورنر ہاؤس میں مڈل ایسٹ فائٹ منعقد ہو گی جس کیلئے این او سی مل گیا ہے۔ محمد وسیم میرے ساتھ برطانیہ میں ٹریننگ کریں گے اور یہ مقابلہ تاریخی ہو گا۔ مڈل ایسٹ ٹائٹل فائٹ کے لئے فالکن کے نام سے پہچانے جانے والے باکسر محمد وسیم کا کہنا ہے کہ سپورٹ کے لیے عامر خان کا مشکور ہوں، قوم دعا کرے ٹائٹل ضرور جیتوں گا۔ باکسر محمد وسیم ان دنوں سکاٹ لینڈ میں ٹریننگ کر رہے ہیں اور جلد ہی وہ برطانیہ میں عامر خان کے ساتھ بھی ٹریننگ کریں گے۔