بدھ , 20 جنوری 2021ء
(255) لوگوں نے پڑھا
فلنگ اسٹیشنوں پر پٹرول اور سی این جی ڈلواتے وقت ہوشیار رہیں کیونکہ چیکنگ انسپکٹر کم ہونے کے باعث فلنگ اسٹیشیوں پر ناپ تول میں دھوکہ دہی بڑھ گئی ہے۔ پیڑول اور سی این جی سٹیشنوں پر ہیرا پھری آؤٹ آف کنٹرول ہونے لگ گئی ہے۔ شہریوں کا کہنا ہے کہ ہزاروں شکایات کے باوجود محکمہ صنعت کے پاس کارروائی کے لیے عملہ نہ ہونے کے برابر ہے۔ تفصیلات کے مطابق لاہور کے 350 پٹرول پمپوں اور سی این جی سٹیشنوں کی انسپکشن کے لیے صرف 3 انسپکٹر ہیں۔ کئی برسوں سے شہر میں نئے فلنگ سٹیشن تو بن رہے ہیں مگر ان کی چیکنگ کے لئے انسپکٹر نہیں رکھے گئے۔
انڈسٹری ڈیپارٹمنٹ حکام کا کہنا ہے کہ نظام میں بہتری لانے کے لیے پرائس کنٹرول اور ویٹ اینڈ میئرز کی ایک اتھارٹی بنانے کی تجویز زیرِ غور ہے۔ یاد رہے کہ قانون کے مطابق ناپ تول میں ہیرا پھیری پر فلنگ سٹیشن کو فی نوزل 25 ہزار روپے تک جرمانہ ہو سکتا ہے۔
