بیس نومبر سے شادی کے اِن ڈور فنکشنز پر پابندی، آؤٹ ڈور تقریبات کی اجازت

کورونا وائرس کے بڑھتے خطرات کے پیش نظر نیشنل کمانڈ اینڈ آپریشن سینٹر (این سی او سی) نے شادی کی تقریبات کیلئے نئی گائیڈ لائنزجاری کر دی گئیں ہیں جن کا نفاذ 20 نومبر سے مخصوص شہروں میں ہوگا۔ تفصیلات کے مطابق کنوپی ٹینٹ کا استعمال ممنوع، بوفے ڈنر یا لنچ بند، کھانا ڈبوں میں ملے گا ٹیبل سروس بھی فراہم کی جا سکے گی۔ ہر مہمان کے لیے ماسک کا استعمال لازمی، سینی ٹائزر بھی میزبان فراہم کرے گا۔ پنجاب کے 7 شہروں میں شادی گائیڈ لائنز نافذ العمل ہونگی۔ تقریب کا انعقاد اور جگہ کا انتخاب لوکل ہیلتھ اتھارٹی کی مشاورت سے ہو گا۔ گائیڈ لائنز کے مطابق شادی کی ان ڈور تقریب پر پابندی تاہم آئوٹ ڈور کی اجازت ہوگی۔ مارکیز میں شادی کی تقریب کے انعقاد کی اجازت نہیں ہوگی۔ شادی کی آئوٹ ڈور میں کنوپی ٹینٹ کا استعمال ممنوع ہو گا۔ آئوٹ ڈور شادی تقریب میں ایک ہزار مہمان شرکت کر سکیں گے۔ شادی تقریب میں شرکا کے مابین چھ فٹ کا فاصلہ ہوگا۔ شادی تقریب کا میزبان کورونا ایس او پیز پر عملدرآمد کا ذمہ دار ہوگا۔ اس کے علاوہ شادی تقریب کا دورانیہ دو گھنٹے رات دس بجے تک ختم کرنا ہوگی۔ شادی کی تقریب کے ہر مہمان کیلئے ماسک پہننا لازم ہوگا۔ شادی میں شریک ہر مہمان کو ماسک اور سینیٹائزر میزبان فراہم کرے گا۔