جمعہ , 02 اکتوبر 2020ء
(185) لوگوں نے پڑھا
حضرت داتا گنج بخشؒ کے عرس کے موقع پر 8 اکتوبر کو لاہور میں مقامی چھٹی ہو گی، تعطیل کا نوٹیفکیشن جاری کر دیا گیا ہے۔ حضرت داتا گنج بخشؒ کے سالانہ عرس کی تیاریوں کا سلسلہ جاری ہے۔ ضلعی انتظامیہ کے مطابق زائرین کو سہولیات کیلئے بہترین اقدامات دیئے جائیں گے۔ حضرت داتا گنج بخش علی ہجویریؒ کے 977ویں سالانہ عرس مبارک کی تقریبات 6 اکتوبر سے شروع ہوں گی۔ تفصیلات کے مطابق حضرت سید علی بن عثمان الجویری کے 977ویں سالانہ عرس مبارک کی تین روزہ استقبالیہ تقریبات کا آغاز جمعہ سے ہو گا۔ عرس مبارک کی باضابطہ تقریبات 6 اکتوبر سے شروع ہوں گی جس کی تیاریاں حتمی مراحل میں داخل ہو گئی ہیں۔ پہلے روز دودھ سبیل کا بھی افتتاح ہو گا۔ پنجاب حکومت نے حضرت داتا گنج بخش علی ہجویریؒ کے سالانہ عرس پر لاہور میں عام مقامی تعطیل کا اعلان کیا ہے۔ اس کا پنجاب حکومت نے باقاعدہ نوٹیفکیشن جاری کر دیا ہے۔ بتایا گیا ہے کہ حضرت داتا گنج بخش علی ہجویریؒ کے سالانہ عرس پر 8 اکتوبر کو شہر بھر میں عام تعطیل ہو گی اور شہر بھر کے تمام تعلیمی ادارے اور ضلعی محکمہ جات کے دفاتر بند رہیں گے جبکہ سول سیکرٹریٹ معمول کے مطابق کھلا رہے گا۔
