بدھ , 21 اکتوبر 2020ء
(264) لوگوں نے پڑھا
عالمی مجلس تحفظ ختم نبوت کے زیر اہتمام آل پاکستان 39 ویں دو روزہ سالانہ ختم نبوت کانفرنس کل بعد نماز فجر مولانا مفتی محمد حسن لاہور کے درس قرآن سے شروع ہوجائے گی۔ کانفرنس کے تمام انتظامات کو مکمل کرلیا گیا ہے۔عالمی مجلس تحفظ ختم نبوت کے مرکزی رہنماؤں اور کانفرنس کے منتظمین مولانا اللہ وسایا، مولانا غلام مصطفی، مولانا محمد اسماعیل شجاع آبادی، مولانا عزیز الرحمن ثانی، مولانا قاضی احسان احمد، مفتی محمد راشد مدنی نے صحافیوں سے گفتگو کرتے ہوئے کہا کہ کانفرنس کی کل پانچ نشستیں ہوں گی۔ مختلف نشستوں کی صدارت مولانا سید سلمان بنوری، صاحبزادہ عزیز احمد، صاحبزادہ خلیل احمد ، مولانا سید جاوید حسین شاہ، قاری محمد یاسین، مولانا سعید یوسف پلندری، صوفی محمد دین ، مولانامفتی شہاب الدین موسی زئی شریف، مولانا محب اللہ لورالائی دیگر مشائخ عظام کریں گے۔ کانفرنس سے سراج الحق، لیاقت بلوچ، مولانا حامد الحق حقانی، مولانا محمد امجد خان ودیگرخطاب کریں گے۔علماءنے بتایا کہ کانفرنس عقیدہ ختم نبوت کے تحفظ اور ناموس رسالت کے دفاع کے لئے سنگ میل ثابت ہوگی۔