بدھ , 23 ستمبر 2020ء
(283) لوگوں نے پڑھا
تعلیمی سرگرمیوں کے دوسرے مرحلے کا آغاز ہو گیا، 194 روز بعد چھٹی سے آٹھویں جماعت کے طلبہ سکول پہنچ گئے۔ تفصیل کے مطابق دوسرے مرحلے میں پنجاب بھر میں کھلنے والے ایلمنٹری سکولز کی تعداد 7600 ہے۔ دوسرے مرحلے میں لاہور میں جو ایلمنٹری سکولز کھلیں گے ان کی تعداد 230 ہے۔ لاہور کے تمام 1120 سرکاری سکولوں میں 5 لاکھ 30 ہزار سے زائد بچے زیر تعلیم ہیں۔ لاس رومز کو ڈس انفیکٹ کردیا گیا ہے۔ طلبہ کو جفت اور طاق رول نمبرز میں تقسیم کیا گیا ہے۔ دریں اثنا تیسرے مرحلے میں 30 ستمبر سے پرائمری کلاسز کو بلانے کی اجازت ہوگی۔