منگل , 06 اکتوبر 2020ء
(163) لوگوں نے پڑھا
کورونا وباء کا خطرہ بدستور موجود، لاہور میں 24 گھنٹوں کے دوران 65 نئے مریض رپورٹ، شہر میں کورونا مریضوں کی مجموعی تعداد 50 ہزار 111 ہو گئی۔ کورونا کا خطرہ ابھی ٹلا نہیں، پنجاب بھر میں 126 نئے کیس سامنے آ گئے۔ جس کےبعد مریضوں کی مجموعی تعداد 99 ہزار 941 ہو گئی ہے۔ ترجمان پرائمری اینڈ سیکنڈری ہیلتھ کیئر کے مطابق ملتان 13، راولپنڈی 11، گجرات 7، فیصل آباد 4، چنیوٹ، گوجرانوالہ، سرگودھا اور بہاولپور میں تین تین، شیخوپورہ، حافظ آباد، وہاڑی اور ٹوبہ ٹیک سنگھ میں دو، دو جبکہ نارووال، جھنگ، میانوالی، ڈیرہ غازی خان، لیہ اور اوکاڑہ میں ایک ایک کیس رپورٹ ہوا ہے۔ ترجمان محکمہ صحت کے مطابق کورونا وائرس سے مزید کوئی ہلاکت نہیں ہوئی، اموات کی کل تعداد 2 ہزار 240 ہے۔ اب تک 13 لاکھ 10 ہزار 114 ٹیسٹ کیے جا چکے جبکہ کورونا سے صحت یاب ہونے والوں کی تعداد 96 ہزار 12 ہے
