بدھ , 16 ستمبر 2020ء
(149) لوگوں نے پڑھا
انویسٹی گیشن پولیس کوٹ لکھپت نے دوران ڈکیتی 60 سالہ بزرگ خاتون کو قتل کرنے والے مقتولہ کے سگے بھتیجے اور سالی کو آشنا سمیت گرفتار کرلیا۔ پولیس نواں کوٹ نے معمولی تلخ کلامی پر فائرنگ کر کے شہری اسلم کو قتل اور بھتیجے حمزہ کو شدید زخمی کرنے والا ملزم مظہر عرف لامباکو گرفتارلیا۔ کوٹ لکھپت میں دوران ڈکیتی بزرگ خاتون رخسانہ بی بی کو گلا دبا کر قتل کرنے کی واردات میں ملوث مقتولہ کے سگے بھتیجے نعیم بٹ اس کی سالی زاہدہ عرف ننھی کو آشنا ساجد سمیت گرفتارکر لیا۔دوران تفتیش ملزم نعیم بٹ نے اعتراف جرم کرتے ہوئے بتایا کہ میں نے اپنی سالی زاہدہ عرف ننھی کے ساتھ ملکر سگی پھوپھو رخسانہ بی بی کے گھر ڈکیتی کا منصوبہ بنایا جس نے اپنے آشنا ساجد کوبھی ڈکیتی کے منصوبے میں شامل کر لیا۔بعد ازاں ساجد نے اپنے دو دوستوں محسن اور امتیاز کو بھی واردات کے لئے سرگودھا سے لاہوربلالیا۔ جس کے بعد ہم گھر سے 6 لاکھ روپے نقدی، طلائی زیورات،گھڑی اور پسٹل لوٹ کر فرار ہو گئے۔ملزمان نعیم بٹ، زاہدہ عرف ننھی اوراس کے آشنا ساجد کو گرفتار کر کے ان سے 4 لاکھ روپے نقدی اور طلائی زیورات برآمد کر لئے گئے ہیں
