پیر , 26 اپریل 2021ء
(426) لوگوں نے پڑھا
ڈکیتی کی وارداتیں روکنے میں لاہور پولیس ناکام ہوگئی۔ باٹاپور میں ڈکیتی کے دوران مزاحمت پر ڈاکوؤں نے فائرنگ کرکے 2 افراد کو زخمی کردیا۔ تفصیلات کے مطابق 2 موٹرسائیکل سوار فرنیچر کی دوکان میں ڈکیتی کرنے کی نیت سے گھسے اور اسلحہ کے زور پر دوکان میں موجود ملازم رشید اور نعمان سے 25 ہزار روپے اور موبائل فون چھین لیے۔ دوران ڈکیتی مزاحمت پر ڈاکووں نے فائرنگ کردی اور موقع سے فرار ہوگئے۔ فائرنگ کے نتیجے میں دونوں ملازم زخمی ہوگئے جنہیں طبی امداد دینے کے لئے ہسپتال منتقل کردیا گیا۔ اطلاع ملنے پر پولیس نے موقع پر پہنچ کر تفتیش شروع کردی۔ پولیس کا کہنا ہے کہ ملزمان کو جلد از جلد گرفتار کرلیا جائے گا۔
