بدھ , 15 جولائی 2020ء
(368) لوگوں نے پڑھا
کبڈی کے قومی کھلاڑی تجمل باجوہ گوجرہ کے قریب ٹریفک حادثہ جاں بحق ہوگئے، ڈائریکٹر جنرل سپورٹس پنجاب عثمان انور نے تجمل باجوہ کے انتقال پر گہرے دکھ اور غم کا اظہار کیا ہے، اپنے بیان میں انہوں نے کہا کہ تجمل باجوہ کبڈی کے بہترین کھلاڑی تھے، کبڈی کے فروغ میں ان کا کردار اہم رہا، ڈی جی سپورٹس پنجاب عثمان انور نے تجمل باجوہ کے اہلخانہ سے اظہار تعزیت کرتے ہوئے دعا کی کہ اللہ تعالیٰ لواحقین کو صبر جمیل اور مرحوم کو جنت الفردوس میں جگہ عطا فرمائے، دریں اثناء قومی کبڈی ٹیم کے کوچ غلام عباس بٹ، سرور بٹ ، کبڈی ٹیم کے منیجر وقاص اکبر، کپتان شفیق چشتی اور کبڈی کے کھلاڑیوں نے بھی تجمل باجوہ کے انتقال پر گہرے دکھ اور افسوس کا اظہار کیا ہے۔تجمل باجوہ کی عمر 28سال تھی، متوفی فیصل آباد کے رہائشی تھے،تجمل باجوہ ایشیئن گیمز میں پاکستان ٹیم کے کپتان رہے
_0.jpg "معروف ڈاکٹر ندیم اشرف شیخ کو پولیس نے گرفتار کرلیا")
