Chinot City
ہفتہ , 22 اگست 2020ء
(219) لوگوں نے پڑھا
چنیوٹ شہر کے مختلف علاقوں میں پانی کی مین لائن پھٹنے سے قلت آب کا مسئلہ پیدا ہوگیا۔ پانی کی لائن پھٹنے سے جو علاقے متاثر ہوئے ہیں ان میں معظم شاہ اور محلہ راجاں والی شامل ہیں۔ ان علاقوں میں پانی کی فراہمی مکمل طور پر بند ہوگئی ہے۔ علاقہ مکین پانی کی بوند بوند کو ترس گئے۔ علاقے کی خواتین نے پانی کی عدم فراہمی پر احتجاج کیا۔ ان کا کہنا تھا کہ پانی نہ ہونے کے سبب ان کو شدیدپریشانی کا سامنا ہے لیکن متعلقہ حکام اہم نوعیت کے مسئلہ پر کوئی توجہ نہیں دے رہے ہیں ۔ مظاہرین نے ارباب اختیار سے فوری طور پر پانی کی لائن کی درستگی کا مطالبہ کیا ہے۔ ۔
