ٹرانسپورٹر رضاکارانہ طورگاڑیوں سے غیر معیاری سلنڈر اتار دیں، ڈسٹرکٹ ریجنل ٹرانسپورٹ اتھارٹی چنیوٹ

چیئرمین ڈسٹرکٹ ریجنل ٹرانسپورٹ اتھارٹی چنیوٹ ڈاکٹر ارشاد احمد نے پبلک سروس گاڑیوں میں غیر معیاری سی این جی سلنڈرز کی روک تھام کی غرض سے اجلاس منعقد کیا جس میں جاوید اقبال ثاقب سیکرٹری ڈسٹرکٹ ریجنل ٹرانسپورٹ اتھارٹی چنیوٹ ، ڈی۔ ایس۔ پی ٹریفک چنیوٹ اور مختلف ٹرانسپورٹ کمپنیوں کے مالکان اونمائندوں نے شرکت کی ۔ ڈاکٹر ارشاد احمد نے حاضرین سے خطاب کرتے ہوئے کہا کہ سپریم کورٹ کے حکم کے تحت گاڑیوں میں سی ۔این۔ جی سلنڈرز کی غیر معیاری تنصیب پر مکمل طور پر پابندی ہے۔ گاڑی مالکان ویگن میں صرف دو عدد سلنڈر اوگرا سے منظور شدہ طریقہ کے مطابق لگوا سکتے ہیں۔ جبکہ ایل۔ پی۔ جی سلنڈرز کی تنصیب مکمل طورپر غیر قانونی ہے اور اس پر سختی سے عمل درآمد کروایا جائے۔ ڈی ۔سی۔او  نے سیکرٹری ڈی۔آر۔ٹی۔اے اور ڈی ۔ایس ۔پی ٹریفک کو خصوصی طور پر ہدایت کی کہ وہ مختلف روٹ  پر مسافر گاڑیوں کو چیک کریں اور خلاف ورزی کرنے والوں کے خلاف قانونی کاروائی عمل میں لائی جائے۔ ٹرانسپورٹر کو بھی ہدایت کی کہ وہ کسی تادیبی کاروائی سے بچنے کے لیے رضاکارانہ طورگاڑیوں سے غیر معیاری سلنڈر اتار دیں