اتوار , 27 دسمبر 2020ء
(330) لوگوں نے پڑھا
چنیوٹ میں پولیس نے جرائم پیشہ عناصر کے خلاف کارروائی کرتے ہوئے 3 ڈکیت گینگ کے 13 افراد کو گرفتار کرلیا۔ کارروائی میں ایس ایچ او اسداللہ تھانہ سٹی، ایس آئی طارق محمود نے اپنی ٹیم سمیت،ایس آئی علی رضا، انچارج چوکی دلخوشاب اے ایس آئی شبیر قمر، انچارج چوکی سٹیلائٹ ٹاؤن اے ایس آئی نصراللہ خان نے شرکت کی۔ ملزمان کے قبضہ سے 14لاکھ روپے سے زائد رقم،25 موٹرسائیکلیں،20 موبائل فون، 11 پستولیں اور 1 رپیٹر برآمد ہوئی۔ ملزمان میں فلک شیر عرف قاری، آصف، محسن، اکرام عرف موٹا، عمران عرف کاشی، فیصل، عباس، عبدالستار، مظہر، منور، سجاد، عمران شامل ہیں۔ پولیس کے مطابق تمام ملزمان ضلع چنیوٹ،فیصل ا ٓباد،جھنگ کے رہائشی ہیں اورڈکیتی، چوری، موٹرسائیکل چوری کے 17 مقدمات میں مطلوب تھے۔ ملزمان سے مزید تفتیش جاری ہے۔ ڈی ایس پی سٹی خالد حسین تاڑ نے پریس کانفرنس کرتے ہوئے بتایا کہ امن و امان کے قیام اور لوگوں کی جان و مال کے تحفظ کو یقینی بنانے کیلئے تمام ممکن اقدامات کئے جارہے ہیں۔
