مسائل کے حل کےلیے شہری 22 ستمبر کے دھرنے میں شریک ہوں، جماعت اسلامی چنیوٹ

22ستمبر کو ہونے والے دھرنا میں شہر بھر کی تمام تنظیمات بھر پور شرکت کریں گی چنیوٹ ضلع کے چاروں ہائی وے روڈز ون وے ہو کر نہ بننا چنیوٹ عوام کے ساتھ ظلم و زیادتی کے مترادف ہے عوام اپنے حقوق کے حق کی خاطر دھرنے میں شریک ہونگے  پنجاب حکومت فوری طور پر روڈ بنانے کیلئے فنڈز کا اعلان کرے ان خیالات کا اظہار جماعت اسلامی چنیوٹ کے ضلعی امیر محمد اسلام خان تاجر رہنما مہر شاہد علی، پیپلز پارٹی کے رہنما ملک خلیل احمد نے ڈسٹرکٹ پرنٹ میڈیا کلب میں پریس کانفرنس سے خطاب کرتے ہوئے کیا اس موقع پر چوہدری عثمان حیدر آرائیں صدر ڈسٹرکٹ پرنٹ میڈیا ایسوسی ایشن چنیوٹ اور چیئرمین پیر زادہ اقبال حسین بھی موجود تھے جماعت اسلامی کے ضلعی امیر اسلام خان نے خطاب کرتے ہوئے کہا کہ 22ستمبر کو چنیوٹ ضلع کی عوام اپنے حق کی خاطرسٹرکوں پر نکلیں گے اور پر امن احتجاجی دھرنے میں شریک ہونگے اس سلسلہ میں تمام سیاسی سماجی تجارتی اور وکلا و صحافتی تنظیموں کے ذمہ داران سے رابطہ مہم جاری ہے چنیوٹ ضلع کی چاروں ہائی وے روڈز شاہراہیں خستہ حالی کاشکار ہوئی پڑی ہیں سٹرکیں کھنڈرات کا منظر پیش کر رہی ہیں پنجاب حکومت چنیوٹ ضلع کی عوام نظر انداز کر رہی ہے اپنے حق اور حقوق کی خاطر دھرنا دے رہے ہیں ان کا مزید کہنا تھا کہ ضلع بھر میں چاروں ہائی وے روڈ کو ون وے بنانے کے سلسلہ میں ڈسٹرکٹ پرنٹ میڈیا ایسوسی ایشن کا کردار قابل تحسین ہے اس موقع پر دیگر رہنماؤں مہر شاہد، ملک خلیل نے بھی خطاب کرتے ہوئے کہا کہ چنیوٹ کی عوام22ستمبر بروز منگل بوقت 11بجے دن ڈی سی آفس کے باہر دھرنادیں گے شہری تنظیمات بھرپور شرکت کریں جبکہ ڈسٹرکٹ پرنٹ میڈیا ایسوسی ایشن رجسٹرڈ چنیوٹ کے چیئرمین پیرزادہ اقبال حسین صدر چوہدری عثمان حیدر آرائیں نے 22ستمبر کو ہونے والے پر امن دھرنے میں شرکت کرنے کا اعلان کیا