Chinot City
بدھ , 28 اکتوبر 2020ء
(185) لوگوں نے پڑھا
چنیوٹ میں تھانہ صدر کے علاقہ چک نمبر 127 ج ب میں نہر سے نعش برآمد ہوئی۔ اطلاع ملنے پرپولیس اور ریسکیو ٹیموں نےجائے وقوع پر پہنچ کرلاش کو اپنی تحویل میں لے لیا۔ پولیس کے مطابق مقتول کا نام احمد علی ولد اسماعیل ہے اور اس کو چند روز قبل چک نمبر 127 سے اغواء کیا گیا تھا۔ اس کے اغواء کا مقدمہ تھانہ صدر میں درج ہے۔ مقدمہ کے اندراج کے بعد پولیس نے مغوی کی تلاش شروع کر دی تھی۔ پولیس نے لاش ملنے کے بعد قتل کا مقدمہ درج کرلیا۔ ڈی ایس پی سٹی بھی موقع پر موجود تھے۔ نعش کو پوسٹ مارٹم کیلئے ڈی ایچ کیو ہسپتال چنیوٹ منتقل کیا گیا۔ پولیس نے کہا ہے کہ ملزمان کو جلد گرفتار کر کہ سخت سے سخت سزا دلوائی جائے گی۔
