Chinot City
جمعرات , 08 اکتوبر 2020ء
(162) لوگوں نے پڑھا
چنیوٹ میں پنچایت (گاؤں کی کونسل) کی مداخلت پر گھر واپس آنے والی 11 سالہ بچی کو نامعلوم افراد نے دوبارہ اغوا کرلیا۔ اغوا ہونے والی بچی کی والدہ نے دعوی کیا کہ اغوا کاروں نے لڑکی کو اغوا کیا اور گھر والوں کو دھمکیاں دینے کے بعد ایک شخص کے ساتھ اس کی شادی کردی۔ تفصیلات کے مطابق بچی کو پہلے 4 اکتوبر کو اغوا کیا گیا تھا تاہم پنچایت کی مداخلت کے بعد اسے بازیاب کروا لیا گیا تھا۔بچی کی والدہ نے الزام لگایا کہ پولیس اہلکار اغوا کاروں کے ساتھ ملے ہوئے ہیں۔ گھر کے افراد کا تھانے میں متعدد چکر لگانے کے باوجود پولیس نے اس کیس میں کوئی پیشرفت نہیں کی جبکہ دوسری جانب پولیس حکام نے میڈیا کو بتایا کہ اغوا کے مبینہ معاملے میں مقدمہ درج کرلیا گیا ہے اور ملزمان کی گرفتاری کے لئے مختلف علاقوں میں چھاپے مارے جارہے ہیں۔
