Naveed
منگل , 09 مارچ 2021ء
(904) لوگوں نے پڑھا
سمندری میں بہادری کے جوہر دکھانے والے اہلکار کو ہر طرف سے مبارکباد ملنے اور تعریف میں واہ واہ کرنے کا سلسلہ جاری ہے گزشتہ روز سی پی او سہیل چوہدری سے سرٹیفیکیٹ اور انعام لینے کے بعد اہلکار رانا ولید جب اپنے گاؤں چک نمبر 52 گ ب پہنچے تو معززین سمیت پورے گاؤں کے نوجوانوں نے انکا پرتپاک استقبال کیا۔ ان پر پھولوں کی پتیاں نچھاور کی گئیں اور لوگوں نے انھیں اپنے کندھوں پر اٹھا لیا۔ واضح رہے کہ کچھ دنوں پہلے ڈولفن پولیس کے اہلکاروں کی جانب سے اپنی جانوں پر کھیل کے ڈاکوؤں سے مقابلہ کرنے اور بعد ازاں انہیں زخمی کرکے کے پکڑنے کی وڈیو ملک بھر میں وائرل رہی جس کے بعد فیصل آباد سی سی پی او سہیل چوہدری کی جانب سے بھی مذکورہ اہلکاروں کو بہادری کا اعلٰی مظاہرہ کرنے پر اعزاز و انعام و اکرام سے نوازا گیا تھا۔
