ہفتہ , 13 جون 2020ء
(449) لوگوں نے پڑھا
پاکستان فلاحی کام کرنے والوں سے بھرا پڑا ہے اس کی تازہ مثال فیصل آباد کی تحصیل سمندری سے سامنے آئی جہاں ایک غریب شخص ہفتے میں چھ روز محنت مزدوری کے بعد ہر جمعہ کو اپنے آبائی علاقے کی سڑک کی رضاکارانہ طور پر مرمت کرتا ہے۔ ایک شہری نے سوشل میڈیا پر پوسٹ میں لکھا ہے کہ میں 36 چک سے آ رہا تھا یہ آدمی کڑک دھوپ میں 37 پل کے پاس سڑک میں پڑے کھڈے ٹھیک کررہا تھا میں سمجھا بیلدار ہے پوچھنے پر معلوم ہوا کہ یہ آدمی پورا ہفتہ مستری کے ساتھ مزدوری کرتا ھے اور جمعہ کو چھٹی والے دن اللہ کی رضا کے لیے سڑک درست کرتا ھے تاکہ لوگوں کو آسانی رہے اور کہا یہ محنت اگلے جہان میں کام آئے گی۔ ہمارا مذہب اسلام بھی یہی کہتا ہے کہ راستہ بنانے یا رستے سے تکلیف دہ چیز ہٹانے کا بہت ثواب ہے۔
