بدھ , 17 جون 2020ء
(186) لوگوں نے پڑھا
تھانہ فیروزوالہ کی حدود محلہ صابر ٹاون ونڈالہ دیال شاہ کے رہائشی پروفیسر ظہیر احمد ظہیر کرونا وائرس کیوجہ سے اپنے گھر پر قرنطینہ تھے پروفیسر صاحب گزشتہ روز رضائے الہی سے وفات پا گئے، موت کے بعد بے حسی کا عالم یہ ہوا کہ پروفیسر صاحب کے بیوی بچے اور اہل محلہ بھی گھروں کو تالے لگا کر غائب ہوگئے۔ کسی شخص نے تھانہ فیروزوالہ پولیس کو اطلاع کی تو ایس ایچ او نے موقع پر پہنچ کر وقوعہ کی تصدیق کی۔ پروفیسر صاحب کی میت بے یار مدد گار پڑی ہوئی تھی، ایس ایچ او تھانہ فیروزوالہ سب انسپکٹر عامر محبوب نے علاقے کو سیل کر کے ضلعی انتظامیہ اور متعلقہ ہسپتال اطلاع کر دی۔ بعد ازاں انتظامیہ نے میت کی تدفین کی۔
