ہفتہ , 13 جون 2020ء
(103) لوگوں نے پڑھا
سمندری سے فیصل آباد اور تاندلیا نوالہ کی سڑک مکمل طور پر ٹوٹ پھوٹ کا شکار ہوگئی ہے۔ سڑک پر جگہ جگہ گڑھے پڑ چکے ہیں جو کہ آئے روز حادثات کا باعث بن رہے ہیں۔ سڑک کی خراب صورت حال کی وجہ سے منٹوں کا سفر گھنٹوں میں طے ہو رہا ہے۔ کئی ماہ سے سڑک خستہ حالی کا شکار ہے لیکن متعلقہ محکمہ کی عدم دلچسپی برقرار ہے۔ سمندری کے باشندوں نے پنجاب حکومت اور متعلقہ اداروں سے مطالبہ کیا ہے کہ مذکورہ سڑک کی از سر نو تعمیر و مرمت کراکر شہریوں کو تکلیف سے نجات دلائی جائے تاکہ ان کی سفری مشکلات کم ہوسکیں۔
