بدھ , 19 اگست 2020ء
(365) لوگوں نے پڑھا
اسکول کے دن شاید ہی کسی کو بھول سکیں لیکن سب سے زیادہ جو یاد رکھنے والی بات ہوتی ہے وہ کسی استاد کا اپنے شاگرد سے مخلص ہونا۔ گورنمنٹ ہائی اسکول ایک نمبر سمندری کے طالب علموں نے اپنے اساتذہ کرام کو خراج تحسین پیش کرنے کے لیے سادہ مگر پر وقار تقریب منعقد کرتے رپتے ہیں ، اسی سلسلے کی ایک شام شاگردوں نے گزشتہ روز بھی منعقد کی جس میں استاد عبدا الستارعلوی کو ان کی تعلیم کے شعبے میں خدمات پر خراج تحسین پیش کیا گیا ۔ طالب علموں کا کہنا تھا کہ ان کی خوش نصیبی ہے کہ انہیں ایک بہترین استاد عبدالستارعلوی کی صورت میں ملے ۔ تعلیم و تربیت اچھے انداز میں انجام پائی۔ استاد عبدالستارعلوی کا کہنا تھا کہ ان کی محنت جب وصول ہوگی جب ان کے شاگرد زندگی کے عملی میدان میں کامیابی حاصل کریں گے۔ انسان کی زندگی میں والدین کے ساتھ استادوں کی تعلیم و تربیت اور رہنمائی کا بھی اہم کردار ہوتا ہے ۔
