Naveed
اتوار , 30 اگست 2020ء
(298) لوگوں نے پڑھا
مسلم لیگ ن پنجا ب کے صدر و سابق صوبائی وزیر قانون رانا ثنااللہ سمندری پہنچے ۔ کرمانوالی حویلی آمد پر مقامی رہنماوں نے ان کا استقبال کیا ۔ رانا ثناء اللہ نے مقامی رہنماوں سے ملکی حالات اور تنظیمی امور پر تبادلہ خیال کیا ۔ ان کا کہنا تھا کہ پاکستان تحریک انصاف کی غلط حکمت کے سبب ملک میں غریب آدمی روز بروز مہنگائی کی چکی میں پستا چلا جا رہا ہے ۔ انہوں نے کہا کہ حکومتی خارجہ پالیسی کی نا تجربہ کاری کے باعث پاکستان کا سب سے بڑا خیر خواہ دوست ملک سعودی عرب بھی پاکستان سے تعلقات پر نظر ثانی پر غور کر رہا ہے ۔ رنا ثناء اللہ کا کہنا تھا کہ مسلم لیگ ن نواز شریف کی قیادت میں متحد ہے موجودہ حکومت کے دن گنے جا چکے ہیں ۔ وہ دن دور نہیں جب ملک کی عوام کی موجودہ حکمرانوں سے جان چھوٹ جائے گی ۔