Naveed
اتوار , 27 دسمبر 2020ء
(375) لوگوں نے پڑھا
سمندری کی شخصیت اور صدر پنجاب آرچری ایسوسی ایشن ملک عمران علی لیاقت نے 25 دسمبر 2020 کو جھنگ میں قائد اعظم ڈے کڈز بین الاضلاعی آرچری چیمپین شپ کی صدارت کی ان کے ساتھ سمندری کی ایک اور سماجی شخصیت عمیر رفیع بٹ جوکہ بیلجیم کرکٹ بورڈ کے چیئرمین بھی ہیں، بھی موجود تھے ملک عمران علی لیاقت کا اپنے خطاب میں کہنا تھا کہ جھنگ میں ہونے والی کڈز آرچری چیمپئن شپ پنجاب آرچری ایسوسی ایشن کی طرف سے آرچری کو گراس روٹ لیول سے پروموٹ کرنے کے سلسلے کی ایک کڑی ہے۔ اس موقع پر بڑے دلچسپ مقابلے ہوئے جنہیں تمام معزز مہمانان نے بڑے انہماک سے دیکھا انہوں نے کھلاڑیوں کی حوصلہ افزائی کی۔ آخر میں جیتنے والے شوٹرز میں انعامات بھی تقسیم کیے گئے۔ صدر اْرچری ایسوسی ایشن ملک عمران علی لیاقت نے انتظامیہ کو چیمپئن شپ کے کامیاب انعقاد پر مبارکباد پیش کی۔ کھیل کے بعد صدر پنجاب آرچری نے ڈسٹرکٹ آرچری آفس میں جاری تعمیراتی کام کا جائزہ لیا۔
