Naveed
جمعہ , 01 جنوری 2021ء
(353) لوگوں نے پڑھا
سمندری، مرکزی انجمن تاجران کے وفد نے نئے تعینات اسسٹنٹ کمشنر سے ملاقات کی۔ وفد کی قیادت صدر مرکزی انجمن تاجران میاں شبیر مہالمی کررہے تھے۔ وفد نے اسسٹنٹ کمشنر کو بازاروں اور تاجروں کو درپیش مسائل سے آگاہ کیا۔ تاجروں نے اسسٹنٹ کمشنر کو شہر کی صفائی، بازاروں میں تجاوزات، اور رکشہ اسٹینڈز جیسے مسائل اور دیگر دوسرے مسائل کے حوالے سے اپنے خدشات سے آگاہ کیا۔ تاجران کے وفد نے اسسٹنٹ کمشنر کو مسائل کے حل کے حوالے سے اپنے مکمل تعاون کا یقین بھی دلایا۔ اسسٹنٹ کمشنر نے تاجروں کو درپیش مسائل کی جلد حل کرنے کی یقین دہانی کرائی۔ ملاقات کی کوریج کاروباری شخصیت اسد عباس جاوید نے کی۔
