Naveed
جمعہ , 18 دسمبر 2020ء
(423) لوگوں نے پڑھا
سمندری میں مرکزی انجمن تاجران کے وفد نے ایس ایچ او امیر طارق سے ملاقات کی اور انہیں علاقے میں امن و امان کی تشویش ناک صورتحال سے آگاہ کیا واضح رہے کہ ایس ایچ او امیر طارق نئے تعینات ہوئے ہیں۔ تاجران کے وفد کی ان سے بات کرتے ہوئے کہنا تھا کاروباری مراکز میں امن و امان کی فضا قائم کی جائے، بازاروں میں رکشوں کے داخلوں پر بھی پابندی عائد کی جائے اور پولیس گشت بازاروں میں بڑھایا جائے تاکہ تاجران کی مشکلات کا ازالہ ہو اور جرائم کی روک تھام ہو۔ تاجران کے وفد میں صدر شبیر احمد مہالمی، نائب صدر اسد عباس جاوید، سید سہیل شاہ، ملک طارق، ملک شفیع رانا اصغر اور دیگر شامل تھے۔ ایس ایچ او نے بازاروں میں امن و امان کی فضا قائم کرنے کی یقین دہانی کروائی۔
