Naveed
بدھ , 02 دسمبر 2020ء
(391) لوگوں نے پڑھا
سمندری بائی پاس پر چک نمبر 465 میں آج صبح 9 بجے کے قریب ایک دلخراش ٹریفک حادثہ رونما ہوا ہے۔ تفصیلات کے مطابق کار ایک ٹرک سے ٹکراگئی جس کے نتیجے میں کار میں موجود 2 افراد موقع پر جاں بحق ہوگئے ہیں جبکہ باقی 4 میں سے 2 کی حالت نازک بتائی جاتی ہے۔ حادثہ اتنا شدید تھا کہ کار کا اگلا حصہ تباہ ہو گیا۔ حادثے میں زخمی ہونے والے ایک شخص ملک خالد بیٹے کی شادی کے سلسلے میں شارجہ سے پاکستان آئے تھے جن کو لیکر ان کے دو بیٹے، بھائی اور اس کا بیٹا اور ایک بیٹے کا دوست کار میں ایئرپورٹ سے لے کر واپس کنجوانی آرہے تھے کہ کھڑے ٹرک کے پیچھے سے ان کی کار ٹکراگئی۔ ملک خالد کا ایک بیٹا اور اس کا دوست کار ڈرائیور موقع پر جاں بحق جبکہ دیگر 4 افراد زخمی ہوگئے جنہیں پہلے سمندری ہسپتال بعد ازاں فیصل آباد منتقل کردیا گیا حادثے کے بعد ریسکیو 1122 اور پولیس ٹیمیں جائے حادثہ پر پہنچیں۔ ریسکیو ٹیموں نے نعشوں کو ہسپتال منتقل کیا۔
