جمعہ , 11 ستمبر 2020ء
(700) لوگوں نے پڑھا
کمالیہ، کمالیہ میں یتیم بچیوں کیلئے کام کرنے والا ادارہ صبا ٹرسٹ اپنی مثال آپ ہے۔ اس سلسلے میں سماجی شخصیت چوہدری صغیر اسلم کی فلاحی خدمات قابل تحسین ہیں۔ یتیم بچیوں کے سر پر شفقت کا ہاتھ رکھنا سنت نبویؐ ہے۔ صبا ٹرسٹ نامی ادارہ برسوں سے یتیم بچیوں کی سرپرستی اور ان کی تعلیم و تربیت، جوان ہونے پر مناسب رشتے کی تلاش اور باوقار انداز میں ان کے نکاح و رخصتی کا فریضہ بخوبی سر انجام دے رہا ہے۔ چوہدری مختار نصرت مرحوم کے بڑے بھائی چوہدری صغیر اسلم جوکہ معزز مقامی شخصیت ہیں جنہوں نے آج سے تقریبا 20 سال پہلے صبا ٹرسٹ کی بنیاد رکھی تھی جس میں انہوں نے یتیم بچیوں کیلیے بہترین رہائش کھانا اور ان کی بہترین تعلیم کا انتظام کیا اور جب وہ شادی کی عمر کو پہنچ گئیں تو ان کی اپنی بیٹیوں کی طرح شادیاں کرائیں اللہ پاک اس کا ان کو اجر عظیم دے۔ بلاشبہ ان کا یہ کام دوسروں کیلئے کسی مشعل راہ سے کم نہیں ہے۔
