منگل , 22 ستمبر 2020ء
(525) لوگوں نے پڑھا
اپنے بچوں کا مستقبل، وقت، پیسے کو ضائع ہونے اور بعد میں پچھتاوے سے بچائیں اور انہیں اپنے شہر کمالیہ کے مقامی گورنمنٹ کالج میں داخلہ دلوائیں تاکہ وہ سفری پریشانی اور بھاری فیسوں سے بچ سکیں اور اپنے مستقبل کو محفوظ بنا سکیں۔ یہ بات پرنسپل گورنمنٹ پی ایس ٹی پوسٹ گریجویٹ کالج کمالیہ رانا ذوالفقار علی خان نے کہی ان کا کہنا تھا کہ گورنمنٹ کالج کمالیہ میں کشادہ پلے گراونڈز، جدید کمپیوٹر لیبز، لائبریری ( 15ہزار کتب پر مشتمل )، کانفرنس ہال، انٹر بلاک، بی ایس بلاک، سفری سہولیات اور کشادہ بلڈنگز موجود ہیں۔ کوالیفائیڈ اور تجربہ کار سٹاف کی زیر نگرانی بہترین تعلیمی سہولیات میسر ہیں۔ لہذاٰ تمام سہولیات کی موجودگی کے بعد کمالیہ کے طلبہ کو باہر جانے کی ضرورت نہیں ہے۔
