صوبائی وزیر وومن ڈویلپمنٹ ڈپارٹمنٹ و اسسٹنٹ کمشنر و ایڈمنسٹریٹر میونسپل کمیٹی کی جانب سے معذور افراد میں امدادی چیکس کی تقسیم

کمالیہ، صوبائی وزیر وومن ڈویلپمنٹ ڈپارٹمنٹ آشفہ ریاض فتیانہ و اسسٹنٹ کمشنر و ایڈمنسٹریٹر میونسپل کمیٹی محمد عرفان ہنجرا نے معذور افراد میں امدادی چیک تقسیم کئے۔تفصیلات کے محکمہ سوشل ویلفیئر کے زیر اہتمام میونسپل کمیٹی ایک تقریب منعقد ہوئی جس کی مہمان خصوصی ایم پی اے و صوبائی وزیر وومن ڈویلپمنٹ ڈپارٹمنٹ آشفہ ریاض فتیانہ اور اسسٹنٹ کمشنر و ایڈمنسٹریٹر میونسپل کمیٹی محمد عرفان تھے. صوبائی وزیر وومن ڈویلپمنٹ ڈپارٹمنٹ آشفہ ریاض فتیانہ نے معذور افراد میں امدادی چیک تقسیم کیے اور اس موقع پر صحافیوں سے گفتگو کرتے ہوئے کہا کہ حکومت پنجاب کی جانب سے عوام کی خدمت کے عزم کو عملی جامہ پہنایا جارہا ہے. انہوں نے مزید کہا کہ وزیراعظم پاکستان جناب عمران خان نے اور وزیراعلیٰ پنجاب جناب عثمان بزدار کی جانب سے کرونا سے نبٹنے کے لیے بہترین اقدامات کیے گیے اور احساس ایمرجنسی کیش پروگرام کے ذریعے غریب عوام کی مدد کی گئی جو حکومت کی غریب دوست پالیسی کا منہ بولتا ثبوت ہے. اس موقع پر ڈپٹی ڈائریکٹر سوشل ویلفیئر عبدالشکور بھی ہمراہ موجود تھے۔