پیر , 14 ستمبر 2020ء
(429) لوگوں نے پڑھا
کمالیہ، اہلسنت والجماعت کمالیہ کے رہنما مولانا لطف اللہ لدھیانوی نے
صحافیوں سے گفتگو کرتے ہوئے کہا کہ کراچی علما کمیٹی کے تحت یوم عاشورہ کے موقع پر
توہین صحابہ کے خلاف عظمت صحابہ کا انعقاد ہوا جس میں لاکھوں عاشقان رسول و صحابہ شریک
ہوئے۔ کانفرنس کے شرکا شاہراہ پر ڈیڑھ کلومیٹر تک پھیلے ہوئے تھے جبکہ ٹریفک جام کی
وجہ سے کئی قافلے شرکت نہ کرسکے۔ شرکا صحابہ کرام کے کی شان میں گستاخی کرنے والے
عناصر کے خلاف جمع ہوئے۔ ان کا مطالبہ تھا کہ صحابہ کرام کی شان میں گستاخی کرنے
والوں کے خلاف سخت اقدام اُٹھانے کی ضرورت ہے۔ یہ کانفرنس ایک ریفرنڈم ہے یہ رسول
کریم ﷺ
اور ان کے صحابہ کا ملک ہے اور ان کے خلاف کسی بھی قسم کی تبرہ بازی اور توہین
برداشت نہیں کی جائیگی۔ ان کا مذید کہنا تھا کہ ہم فرقہ واریت کے قائل نہیں مگر
توہین برداشت نہیں کی جائیگی۔
