جمعہ , 24 جولائی 2020ء
(446) لوگوں نے پڑھا
گورنمنٹ کالج آف ٹیکنالوجی کمالیہ میں دوسری سالانہ صنعتی نمائش منعقد کی گئی ،مہمان خصوصی صوبائی وزیر آشفہ ریاض فتیانہ اور زونل منیجر ٹویوٹا شیراز خان لودھی تھے ۔ تقریب میں ٹیکسٹائل، آئی ٹی اور کیمیکل ٹیکنالوجی کے طلبہ و طالبات نے مختلف نمونے پیش کئے ۔ اس موقع پر صوبائی وزیر آشفہ ریاض فتیانہ نے خطاب کرتے ہوئے کہا نوجوانوں کو جدید دور سے ہم آہنگ کرنے کیلئے فنی تعلیم کا فروغ بہت ضروری ہے ۔ یہی نوجوان ہمارا مستقبل ہیں، جنہوں نے آئندہ اس ملک کو آگے لے کر چلنا ہے ۔کالج کی بہتری کیلئے مزید اقدامات کئے جارہے ہیں، کالج میں نئی ٹیکنالوجیز کے اجرا کیلئے بات چیت چل رہی ہے امید ہے کہ بہت جلد اس بارے میں خوش خبریاں ملیں گی۔ تقریب سے پرنسپل انجینئر سید عارف محمود بخاری نے بھی خطاب کیا جبکہ تقریب کے اختتام پر طلبا میں انعامات بھی تقسیم کئے گئے ۔"
