Naveed
جمعرات , 23 جولائی 2020ء
(205) لوگوں نے پڑھا
(20 جولائی 2020)جڑانوالہ کا مرکزی قبرستان کھنڈرات کا منظر پیش کرنے لگا جس پر عوام شدید پریشانی کا شکار ہیں۔ بارش کے پانی کی نکاسی نا ہونے کی وجہ سے کئی کئی قبریں زمین بوس ہوگئیں۔ جبکہ مین گیٹ لگانے کیلئے ٹھیکیدار کی جانب سے زمین کھودی گئی تھی لیکن اس میں گیٹ نہیں لگا اور گڑھوں میں بارش کا پانی بھر گیا۔ صفائی ستھرائی نا ہونے کی وجہ جھاڑیوں کی بھرمار ہوگئی جبکہ جانورں نے بھی ڈیرے ڈال رکھے ہیں عوام کا قبرستان میں اپنے پیاروں کی قبروں پر آنا محال ہوگیا ہے۔۔ شہریوں نے اسسٹنٹ کمشنر سے معاملے کا نوٹس لینے کی اپیل کی ہے اور قبرستان کی حالت کے سدھار کے لئے کردار ادا کرنے کی اپیل کی ہے تاکہ لوگ اپنے پیاروں کی قبر پر بلا تعطل آسکیں اور فاتحہ پڑھ سکیں۔
