منگل , 06 اکتوبر 2020ء
(404) لوگوں نے پڑھا
اشیائے ضروریہ کے سرکاری طور پر مقررکردہ نرخوں پر سختی سے عملدرآمد کرایاجارہاہے۔اس ضمن میں قیمتوں میں بلاجواز اضافہ کے منفی رحجان کی حوصلہ شکنی بھی جاری ہے لہذا دکاندار صارفین سے طے شدہ قیمتیں ہی وصول کریں۔ یہ بات اسسٹنٹ کمشنر جڑانوالہ زین العابدین نے تحصیل پرائس کنٹرول کمیٹی کے اجلاس کی صدارت کرتے ہوئے کہی۔ مختلف محکموں کے افسران کے علاوہ تاجر تنظیموں اورصارفین کے نمائندے بھی موجود تھے۔اجلاس کے دوران بعض اشیائے ضروریہ کی موجودہ بازاری قیمتوں اور ان کی دستیابی کے نرخوں کے اتار چڑھاؤ کا جائزہ لیا گیا۔اسسٹنٹ کمشنر نے بتایا کہ تحصیل بھر کے پرائس کنٹرول مجسٹریٹس مارکیٹوں وبازاروں کی باقاعدگی سے انسپکشنزکررہے ہیں لہذا دکاندار تعاون جاری رکھیں۔
