Naveed
جمعرات , 23 جولائی 2020ء
(190) لوگوں نے پڑھا
(23 جولائی 2020)جڑانوالہ، تھانہ سٹی کی حدود میں لیڈی ڈاکو حسینہ نے ساتھیوں کے ہمراہ روزگار کے سلسلہ میں بیرون ملک مقیم شخص کی فیملی کو یرغمال بنا کر لاکھوں مالیتی مال و زر لوٹ لیا۔ مزاحمت پر مار پیٹ کا نشانہ بنایا۔ بتایا گیا ہے کہ تھانہ سٹی کی حدود میں محلہ محمد بی بی کالونی کا رہائشی حاجی یوسف روز گار کے سلسلہ میں بیرون ملک سعودی عرب میں مقیم ہے گذشتہ روز دن ڈیہارے لیڈی ڈاکو حسینہ اپنے ساتھیوں کے ہمراہ گھر میں داخل ہوئی اور تمام افراد کو یرغمال بنا گھر کی تلاشی کے دوران لاکھوں مالیتی مال و زر لوٹ لیا جبکہ مزاحمت پر خاندان کے ایک رکن ابوبکر کو مارا پیٹا اور فرار ہو گئے اطلاع کے باوجود پولیس حسب روایت لیٹ پہنچی جس پر اہل علاقہ نے شدید تحفظات کا اظہار کیا۔ جڑانوالہ و گردونواح میں ڈکیتی کی نان سٹاپ وارداتوں پر شہری خوفزدہ ہیں شہریوں نے سی پی او فیصل آباد کیپٹن ریٹائرڈ سہیل چوہدری سے نوٹس لینے کا مطالبہ کیا ہے۔
