Naveed
جمعہ , 28 مئی 2021ء
(1430) لوگوں نے پڑھا
گزشتہ روز چک نمبر 376 گ ب میں تھانہ روڈالہ روڈ کی حدود میں شیعہ مسلک کی مسجد میں دہرے قتل کی واردات میں ملوث ملزم کو گرفتار کرلیا گیا۔ مذکورہ شخص پر الزام ہے کہ اس نے لاؤڈ اسپیکر پر اعلان کیا کہ وہ جنت کمانے جارہا ہے جو بھی اس کے ساتھ جانا چاہے آجائے جس کے بعد ملزم نے اکیلے ہی چک نمبر 376 گ ب میں شیعہ مسلک کی مسجد کی راہ لی اور دو افراد 80 سالہ اللہ دتہ اور 70 سالہ امیر علی کو آہنی راڈ کے وار کرکے قتل کیا اور جائے وقوعہ سے فرار ہوگیا۔ بعد ازاں پولیس کی تحقیقات کے نتیجے میں ملزم کو گرفتار کرلیا گیا۔ پولیس کا کہنا تھا کہ ملزم سے تفتیش کررہے ہیں کہیں قتل کے پیچھے کوئی ذاتی رنجش تو نہیں ہے۔ پولیس کا مذید کہنا تھا کہ ملزم کا تعلق کالعدم تنظیم سے ہونے کی بھی تحقیقات کی جارہی ہے۔ ورثاء نے ملزم کے خلاف سخت قانونی کاروئی کا مطالبہ کیا ہے۔ اہل علاقہ نے بھی اقدام کو بین المسالک ہم آہنگی پر کاری ضرب قرار دیا۔
