منگل , 22 ستمبر 2020ء
(324) لوگوں نے پڑھا
ڈپٹی کمشنرفیصل آباد محمد علی نے اسسٹنٹ کمشنر جڑانوالہ آفس میں اقبال ہال کمیٹی روم کا افتتاح کیا جس کی تعمیر میں سرکاری خزانہ سے ایک پائی بھی خرچ نہیں کی گئی بلکہ تمام اخراجات عطیات کئے گئے۔ سابق اسسٹنٹ کمشنر جڑانوالہ عمرگوندل نے بھی تقریب میں شرکت کی۔ اس موقع پر ڈپٹی کمشنر محمد علی کا کہنا تھا کہ یہ خوش آئند بات ہے کہ کمیٹی روم کے قیام میں سرکاری خزانے سے ایک پیسہ بھی خرچ نہیں ہوا۔ انہوں نے کہا کہ وہ لوگ قابل تعریف ہیں جنہوں نے عوامی فلاح کے کام میں مدد کی ۔ ان کا مزید کہنا تھا کہ انہیں امید ہے کہ کمیٹی روم عوامی مسائل کے حل اور علاقے کی ترقی میں کے معاون و مدد گار ثابت ہوگا۔
