منگل , 08 ستمبر 2020ء
(493) لوگوں نے پڑھا
فیصل آباد کی تحصیل جڑانوالہ میں تحصیل ہیڈ کوارٹر ہسپتال کے ڈیجیٹل ایکسرے مشین 625 ایم اے کا افتتاح کر دیا گیا۔ ڈیجیٹل ایکسرے مشین کا افتتاح مہمان خصوصی اسسٹنٹ کمشنر زنیرہ آفتاب نے کیا۔ زنیرہ آفتاب کا کہنا تھا کہ جدید ایکسرے مشین سے عوام کو علاج کی بہترین سہولیات میں اضافہ ہوگا ۔ انہوں نے کہا کہ حکومت کی کوشش ہے کہ عوام کو صحت کی ہر ممکن سہولیات فراہم کرے۔ اس موقع پر ایم ایس ڈاکٹر کاشف کمبوہ کے علاوہ ڈی ایم ایس ڈاکٹر محمد اکرم اورریڈیالوجسٹ ڈاکٹر آصف لطیف بھی موجود تھے۔ ہسپتال کے ایم ایس ڈاکٹر کاشف کمبوہ کا کہنا تھا کہ اب مریضوں کو ایکسرے کے حصول کے لیےگھنٹوں انتظار نہیں کرنا پڑے گا۔
