جمعہ , 04 ستمبر 2020ء
(287) لوگوں نے پڑھا
محکمہ زراعت توسیع جڑانوالہ نے جعلی کھاد تیار کرنے والی فیکٹری کے خلاف آپریشن کرکے 14لاکھ روپے مالیت کی ہزاروں مائیکرو نیوٹرکس کی جعلی بوتلیں برآمد کرکے فیکٹری سیل اور مالک کے خلاف مقدمہ درج کرادیا۔ ڈپٹی ڈسٹرکٹ آفیسر زراعت توسیع منصور احمد نے 60ر۔ب تھانہ بلوچنی میں فیصل آباد شاہکوٹ روڑ پرفیکٹری پر چھاپہ مارا جہاں بھاری مقدار میں ملٹی مائیکرو نیوٹرکس تیار کی جا رہی تھی جن کو چیک کیا گیا تو وہ جعلی پائی گئی جہاں سے 1200عدد بیگ تیار شدہ، 300عدد سے زائد بوتلیں، سینکڑوں ریپر برآمد کرکے قبضہ میں لے لیے گئے اور فیکٹری مالک کے خلاف مقدمہ درج کرادیا۔
