Naveed
جمعہ , 10 جولائی 2020ء
(317) لوگوں نے پڑھا
(17 جولائی 2017)ڈپٹی کمشنر سلمان غنی، ایم این اے طلال چوہدری اور وزیراعلیٰ کے مشیر رائے حیدر علی نے مشترکہ طور پر اس یونٹ کا افتتاح کیا۔ڈی سی نے صحافیوں سے بات کرتے ہوئے کہا کہ جڑانوالہ یونٹ میں چار ڈائلسز مشینیں مہیا کی گئیں ہیں اور ہیپاٹائٹس بی اور سی کے مریضوں کے لئے دو مشینیں مختص کی گئیں ہیں۔ انہوں نے کہا کہ اس طرح کے دو یونٹ سمندری اور چک جھمرہ کے ٹی ایچ کیو اسپتالوں میں پہلے ہی قائم کردیئے گئے ہیں۔ انہوں نے کہا کہ گردے کے مریضوں کو مفت ڈائلیسز جلد گورنمنٹ جنرل ہسپتال سمن آباد اور تاندلیانوالہ کے ٹی ایچ کیو ہسپتال میں جلد دستیاب ہوجائے گا۔ انہوں نے بتایا کہ ڈائلسز سیکشن کے عملے کو طبی خدمات اور گردوں کے مریضوں کی بہتر دیکھ بھال کے لئے خصوصی تربیت دی گئی ہے، انہوں نے مزید کہا کہ ضلع کے ٹی ایچ کیو ہسپتالوں میں ہر ڈائلیسس یونٹ کے قیام پر 10 ملین روپے خرچ ہوئے ہیں جبکہ اخراجات کے لئے ہر ماہ فنڈز مہیا کیے جائیں گے۔
