اتوار , 11 اکتوبر 2020ء
(406) لوگوں نے پڑھا
قصور، چھانگا مانگا کے علاقے میں چند روز قبل پولیس اہلکار سے دوران واردات چھینی گئی رائیفل پولیس نے برآمد کرکے ملزم کو گرفتار کر لیا ہے۔ تفصیلات کے مطابق چند روز قبل تھانہ چھانگا مانگا کی حدود میں پولیس چوکی نواں کوٹ کے علاقے میں ڈاکو واردات کر رہے تھے کہ مقامی پولیس کے جوان موقع پر پہنچ گئے پولیس کے ساتھ ہلکا سا مقابلہ ہوا بعد ازاں ڈاکوؤں نے پولیس اہلکار سے ایک رائفل چھینی اور کر فرار ہوگئے اس پر ڈی ایس پی چونیاں خالد اسلم کی خصوصی ہدایت پر عمل کرتے ہوئے تھانہ الہ آباد عبدالطیف گجر نے انتہائی محنت اور کارروائی کرکے گاؤں سریسر ہٹھاڑ کے رہائشی وقاص احمد نامی ملزم کو کھڈیاں خاص سے پکڑ لیا اور چھینی گئی رائفل بھی برآمد کرلی ملزم کے خلاف مقدمہ درج کر لیا گیا۔
