بدھ , 02 دسمبر 2020ء
(401) لوگوں نے پڑھا
حکومت و انتطامیہ کے کام بھی بہت نرالے ہوتے ہیں کبھی ہوتے ہی نہیں کبھی ہونے کو آتے ہیں تو عوام بھی پریشان ہوجاتی ہے۔ موجودہ معاملہ میں پھولنگر میں حکومت کی جانب سے جن طلبہ و طالبات کے ب فارم نہیں بنے ہوئے ان کیلئے اچانک ب فارم بنوانے کا حکم جاری کردیا گیا جس کے بعد لازمی کوائف کی تصدیق گزٹ آفیسر سے کروانی ہوتی ہے اب گزٹ آفیسر یا تو بہت مصروف ہیں یا کسی بھی وجہ سے موجود نا ہوں تو لوگ کیا کریں؟؟ لیکن شائد کچھ نیک لوگ اللہ نے ان کاموں کیلئے رکھے ہوتے ہیں اسی حوالے سے بلدیہ پھولنگر کے ہیڈ کلرک حبیب احمد قادری نے نادرا آفس میں ہی اپنا کیمپ لگا لیا اور جذبہ خدمت خلق کو پیش نظر رکھتے ہوئے طلبہ و طالبات کے ب فارم تصدیق کرنا شروع کر دیئے ہیں جس کے بعد کئی طلبہ و طالبات اور والدین کو تصدیق کروانے کے مرحلے کی پریشانی سے نجات ملی ہے۔ بلاشبہ ان کا یہ کام انتہائی قابل تحسین ہے۔ سماجی اور شہری حلقوں نے بھی ہیڈ کلرک حبیب احمد قادری کو جذبہ خدمت خلق کے تحت کاوش کو سراہا۔