پیر , 02 نومبر 2020ء
(687) لوگوں نے پڑھا
قصور، وہاڑی سے حضرت بابا بلھے شاہ کے مزار میں حاضری کے لئیے آنے والی فیملی کا لاپتہ ہونے والا کمسن بچہ پولیس نے ڈھونڈ کر ورثا کے حوالے کردیا۔ ہفتہ کے روز سہہ پہر 4 بجے کے قریب وہاڑی سے آئی فیملی کا 2 سالہ بچہ صائم اچانک غائب ہوگیا جس پر لواحقین نے حالیہ بچوں کے اغواء کے واقعات کے پیش نظر انتہائی افسردہ ہوکر متعلقہ پولیس سے بچے کی تلاش کے لئیے مدد حاصل کی جس پر تھانہ اے ڈویژن پولیس کے ایس ایچ او افتخار جوئیہ نے اپنی پولیس فورس کے ہمراہ مزار کے قرب و جوار میں مسلسل ایک گھنٹہ کی محنت اور تلاش کے بعد لاپتہ بچے کو ڈھونڈ کر اسکے والدین کے سپرد کردیا۔ بچے کو دیکھ کر فیملی نے پولیس کا نہ صرف شکریہ ادا کیا بلکہ دعاؤں سے بھی نوازا اور ایس ایچ او افتخار جوئیہ اور پولیس کی خدمات کو بہترین الفاظ میں سراہا۔
