بدھ , 24 جولائی 2019ء
(148) لوگوں نے پڑھا
قصور، قصوراور گر دو نواح میں متعدد افراد کو گن پوائنٹ پر لوٹ لیا گیا، تفصیلات کے مطابق کوٹلی رائے ابو بکر میں پانچ ڈاکوؤں نے ساجد منظور سے اس کی موٹر سائیکل اور 17 ہزار روپے کی نقدی رقم چھین لی۔ صدر چونیاں کے گاؤں دیو سیال میں تین ڈاکوؤں نے عرفان سے دو لاکھ روپے کی نقدی چھین لی۔ موضع اٹھیل پور میں ڈاکوؤں نے اﷲ وسایا سے اڑھائی لاکھ روپے کی نقدی اور اس کی موٹر سائیکل چھین لی۔ چھانگا مانگا کے نواحی گاؤں کند موڑ میں چھ ڈاکوؤں نے ناکہ لگا کر نعیم سے اس کی موٹر سائیکل، سات ہزار روپے کی نقدی اور موبائل فون چھین لیا۔ سٹی چونیاں میں چار کار سوار ڈاکوؤں نے پٹرول پمپ پر موجود بلال سے ستر ہزار روپے کی نقدی چھین لی۔
