بدھ , 11 نومبر 2020ء
(666) لوگوں نے پڑھا
قصور میں میٹرک کی طالبہ کے ساتھ انوکھا واقعہ رونما ہواجس کے بعد طالبہ کو دیکھنے کیلئے عوام کا رش اہلخانہ کو مبارکباد دینے کیلئے اُمڈ آیا۔ اہل علاقہ کا کہنا تھا کہ ہم گھر والوں کو اللہ کی طرف سے لڑکی کی جنس لڑکے میں تبدیل ہونے پر مبارکباد دیتے ہیں۔ تفصیلات کے مطابق اندرون کوٹ اعظم خان گلی انصاریاں والی قصور کے رہائشی غلام مصطفیٰ انصاری کی 17 سالہ بیٹی حفظہ جوکہ گورنمنٹ گرلز ہائی اسکول میں زیر تعلیم تھی۔ طالبہ کو ایک دن اسکول میں ہرنیاں میں درد محسوس کرنے پر اقبال پولی کلینک لایا گیا جہاں پر میڈیکل ٹیسٹ کے بعد رپورٹس میں جنس کی تبدیلی کے آثار پائے گئے۔ بعد ازاں اہل خانہ کی اجازت کے بعد اقبال پولی کلینک کے ڈاکٹرز نے طالبہ کا آپریشن کیا تو اللہ کے کرم سے کامیاب آپریشن کے بعد حفظہ لڑکا بن گیا۔ گھر والوں نے اپنے جوان بیٹے کا نام محمد احمد رکھا۔ گھر والوں نے بیٹی کے بیٹے میں تبدیل ہونے کو اللہ کی مرضی سمجھا اور خوشی کا اظہار کیا۔
