بدھ , 25 نومبر 2020ء
(494) لوگوں نے پڑھا
قصور، شادی کی تقریب میں دلخراش واقعے میں ہوائی فائرنگ سے 10 سالہ بچی جاں بحق جبکہ 3 خواتین زخمی ہوگئیں۔ تفصیلات کے مطابق پھول نگر کے نواحی گاؤں تارا گڑھ میں پولیس کانسٹیبل حسنین کی شادی کی تقریب میں 8 سے 10 افراد نے ہوائی فائرنگ کی اسی دوران شادی میں شریک 10 سالہ آمنہ گولی لگنے سے موقع پر ہی جاں بحق ہوگئی۔ شادی میں ہوائی فائرنگ سے 3 خواتین بھی شدید زخمی ہوگئیں جنہیں طبی امداد کیلئے جناح اسپتال لاہور منتقل کر دیا گیا ہے۔ پولیس نے کارروائی کرتے ہوئے فائرنگ کرنے والے 2 ملزمان کو گرفتار کر لیا جن میں دولہے کا بھائی حسن اور کزن ذوالفقار شامل ہیں جب کہ دیگر مفرور ملزمان کی گرفتاری کے لیے چھاپے مارے جا رہے ہیں۔ آئی جی پنجاب انعام غنی نے واقعے کا نوٹس لیتے ہوئے آر پی او شیخوپورہ سے رپورٹ طلب کر لی۔
