ہفتہ , 26 ستمبر 2020ء
(480) لوگوں نے پڑھا
قصور، بھٹی ہسپتال کے ڈاکٹرز پیرا میڈیکل سٹاف و عملے کا ہسپتال انتظامیہ کیخلاف شدید احتجاج کیا گیا۔ عملہ نے ہسپتال انتظامیہ اور مالکان کے خلاف نعرے بازی کی اور دھرنا دیا۔ تفصیلات کے مطابق ہسپتال مالکان کے ناروا سلوک، واجبات کی عدم ادائیگی، سہولیات نہ ملنے اور تنخواہوں میں کٹوتی ڈیوٹی ٹائم میں زیادتی کے خلاف ڈاکٹرز اور نرس سراپا احتجاج بن گئے۔ احتجاج کہ دوران کسی بھی شخص کو ہسپتال کہ اندر یا باہر جانے کی اجازت نہیں تھی۔ بعد ازاں پولیس کی بھاری نفری صورت حال کو کنٹرول کرنے موقع پر پہنچ گئی پولیس اور ڈاکٹر کہ درمیان مذاکرات کامیاب نہ ہو سکے پولیس اور عملے میں تلخ کلامی کے واقعات بھی ہوئے۔ احتجاج کرنے والوں کا کہنا تھا کہ مطالبات نہ ماننے تک احتجاج کا سلسلہ جاری رکھا جائے گا۔
